जिन्दगी
कहिलेकाहीँ लाग्छ
भेट हुनेहरू
कहिल्यै नछुटुन
मायाले नजिक ल्याउनेहरू
कहिल्यै टाढा नहुन ,
टाढा भए पनि
मनबाट कहिल्यै नहटुन
तरपनि जिन्दगी
यहा छुट्नुपर्छ
टुट्नु पर्छ
अनि आँखा छोपेर
भएपनि रुनु पर्छ
हामीले चाहेकाहरू
सधैं हाम्रा हुँदैनन्
र
हामीले बिर्सन खोजेकाहरू
मनभित्रै बसिरहन्छन्
अन्त्यमा त
समयले सिकाउँछ
हार्नुपर्छ नियतिसंग
छुट्नुपर्छ प्रीयजनसंग
“म ” भन्दा ठूलो
कसैको साथ हुँदैन !!
-मनसरा
