मीठा पलहरू
गढिएका छन्,
मनको कोठाहरूमा,
एक मायालु कविता बनेर ,
म अचम्म पर्छु,
कसरी पलहरू
यति नाजुक हुन सक्छन् !
कसरी पलहरू ,
यति सान्दर्भिक हुन सक्छन् ,
अनन्त प्रेरणा बन्न सक्छन् !!
कसरी यादहरु
यति विघ्न प्रिय हुन सक्छन् ।
कसरी पलहरू
अमूल्य बन्न सक्छन् ।।
दिशादर्शक बन्न सक्छन्,
बिझाउन सक्छन्,
उचाल्न सक्छन्,
सांच्ची प्रिय !!
तिमीलाई अचम्म लाग्दैन ??
पलहरू कहिलेकाहीँ ,
सपनाभन्दा सुन्दर हुन्छन् ,
सपनाभन्दा मीठा हुन्छन् !!
