तिमी देखिनु वा हराउनु
एकै लाग्छ प्रिय
जस्तो कि
चन्द्रमा र समुद्र
नदेख्दा पनि बाँधिन्छन्
आकाश र ताराबीच
जति नै गहिराई होस्
फरक पर्दैन नि
चन्द्रमा र ज्वारभाटा
आकाश र तारा,
म त
तिम्रो यादमा मख्ख पर्छु
मायाको बन्धन बुझिसकेपछि
तिमी देखिनु वा हराउनु
एकै लाग्छ प्रिय।
तिमी नजिक हुनु वा टाढा हुनु
एकै लाग्छ प्रिय
जस्तो कि
घाम र पृथ्बी
जति नै टाढा हुन्
बादल र सागर बिच
जति नै दुरी होस्
फरक पर्दैन नि
घाम र ताप
बादल र पानी,
म त
आकाश हेरेर मख्ख पर्छु
मायाको सिद्दान्त बोकेपछि
तिमी टाढा हुनु वा नजिक हुनु
एकै लाग्छ प्रिय।
