तिमी हाँसेपछि,
गगनका बादल मुस्कुराउनु हुँदैन,
पारिजातका फुलहरू
स्वाभाविक झरिरहनु हुँदैन,
तिमी हाँसेपछि –
केवल तिमीमै जीवन रस खोजिनु पर्छ,
तिमी उदाएपछि ,
जून ताराहरु उदाउनु हुँदैन,
जूनकिरीहरु
पिलपिल गर्दै पछि लाग्नु हुँदैन,
तिमी उदाएपछि –
केवल मात्र तिमी- उदाउनु पर्छ ,
अनि
तिम्रो प्रिय हिमाल हाँस्नेछ ,
र
तिमी मन पराउने त्यो निलो आकाश,
सुगन्धले भरिएको –
हावा बग्न थाल्छ
तिमी भएको अनुभूतिमा !!
मनसरा !!
